http://encyclopedie.arbre-celtique.com

Sane Pisas antiquitus conditas a Peloponneso profectis vel ab his, qui cum Pelope in Elidem venerunt. Alii Pisum, Celtarum regem, fuisse Apollinis Hyperborei filium et cum Samnitibus bellum gessisse, a quorum regina, quae post coniugus mortem imperio successerat, receptum, in Etruria oppidum suo nomine condidisse. Alii locum ex deo privigno genitum, iuvenem viribus magnis, Pisas condidisse aiunt. Cato originum, qui Pisas tenuerint ante adventum Etruscorum, negat sibi compertum ; sed inveniri Tarchorem, Tyrrheno oriundum, postquam eorundem sermonem ceperit, Pisas condidisse, cum ante regionem eandem Teutanes quidam, Graece loquentes, possederint [...] alii incolas eius oppidi Teutas fuisse, et ipsum oppidum Teutam niminatum [...].